მარშრუტი : ქ. მცხეთა, ჯვარი, სვეტიცოხველი, სამთავრო, ანტიოქია
სახეობა : კულტურული, შემეცნებითი.
სატრანსპორტო საშუალება: მიკრო-ავტობუსი
ხანგრძლივობა: 1 დღე (გასვლა შეთანხმებით)
კვება : არ შედის
მანძილი: 160 კმ.
ფასი: — ლარი
ჯვრის მონასტერი – VI ს-ის ქართული ხუროთმოძღვრების ძეგლი, მცხეთის აღმოსავლეთით, მდ. მტკვრისა და არაგვის შესართავთან, კლდოვანი მთის წვერზე. შეტანილია მსოფლიო კულტურული მემკვიდრეობის ძეგლთა სიაში. ტაძრის სახელწოდებას ისტორიული საფუძველი აქვს. IV ს-ის 30-იან წლებში ამ ადგილას მეფე მირიან III-მ ხის დიდი ჯვარი აღმართა. ჯვრის უშუალო წინამორბედია ნინოწმინდის ტაძარი. ჯვრის დიდი ტაძარი ჯვარგუმბათოვანი ტიპის ნაგებობაა. გუმბათის ნახევარსფეროში გამოსახულია რელიეფური ჯვარი. ჩვენამდე მიღწეული წარწერები ქართული ასომთავრული დამწერლობის ერთ-ერთი უძველესი ეპიგრაფიკული ნიმუშია.
სვეტიცხოველი ყველაზე დიდი ისტორიული საეკლესიო ნაგებობაა საქართველოში დღემდე გადარჩენილთა შორის. იგი საუკუნეთა მანძილზე ქრისტიანულ საქართველოს სარწმუნოებრივ ცენტს წარმოადგენდა. ჯერ კიდევ IV საუკუნეში გაქრისტიანებულ მირიან მეფეს წმინდა ნინოს რჩევით აქ პირველი ეკლესია აუშენებია, რომელსაც ჩვენამდე არ მოუღწევია. XI საუკუნეში დაზიანებული ბაზილიკის ადგილზე ქართლის კათოლიკოსმა მელქისედეკმა ახალი ტაძარი ააგო. მან ხუროთმოძღვრად არსუკისძე მიიწვია. მშენებლობა 1010 დაიწყო და 1029 წელს დამთავრდა.
ანტიოქია ეკლესია, არქიტექტურული ძეგლი დგას მცხეთაში მდინარე არაგვის მარჯვენა ნაპირზე, არაგვისა და მტკვრის შესართავთან. შედგება სხვადასხვა დროის ნაგებობებისაგან: ძველი სამნავიანი ბაზილიკის ჩრდილოეთით ნავიდან გადაკეთებული დარბაზული ეკლესიისაგან (VII-VIII სს.), კარიბჭისა და კარიბჭეზე დაშენებული სათავდაცვო კოშკისაგან (XVI-XVII სს.). ეკლესიის სამი კედელი და კარიბჭე ნაგებია ქვიშაქვის კარგად გათლილი კვადრებით, ხოლო ეკლესიის სამხრეთი კედელი (გვიანდელია) და სათავდაცვო კოშკი – ნატეხი ქვით, რიყის ქვითა და აგურით.
სამთავრო, ხუროთმოძღვრების ძეგლი, XI საუკუნის პირველი ნახევრის საეპისკოპოსო ტაძარი,აქ უცხოვრია საქართველოში ქრისტიანობის საქადაგებლად ჩამოსულ წმინდა ნინოს. აქვეა დასაფლავებული ერთ-ერთი ასურელ მამათთაგანი აბიბოს ნეკრესელი. ოქტომბრის რევოლუციამდე აქ დიდი დედათა მონასტერი იყო, (ამჟამად არსებობს სასულიერო სემინარია და დედათა მონასტერი), აქ მოინათლა სრულიად საქართველოს კათოლიკოს–პატრიარქი ილია II. აქ არიან დაკრძალულნი მირიან მეფე და ნანა დედოფალი. აგრეთვე ერთ–ერთი ასურელ მამათაგანი აბიბოს ნეკრესელი.
ტ უ რ ი ს ტ უ ლ ი კ ო მ პ ა ნ ი ა
W a l k e r / ვოლქერი
ოფისი: +995 551 211355
ელ-ფოსტა: georgianwalkers@gmail.com
სკაიპი: georgian.walkers
ვებ-გვერდი: www.walker.ge