კომპანია “WALKER/ვოლქერი” გთავაზობთ ტურს ფშავში

10 ივნისს ტურისტული კომპანია “WALKER/ვოლქერი”
გთავაზობთ ტურს ფშავში.

მარშრუტი :
➡ ჩინთის კოშკი
➡ მაღაროსკარის წმ.გიორგის ეკლესია (ვაჟას მამის)
➡ ფშავი – კოპალას სალოცავი
➡ ჩარგალი, ვაჟა-ფშაველას სახლმუზეუმი

სახეობა : პილიგრიმი, სათავგადასავლო
საშუალო სირთულე: მარტივი
სატრანსპორტო საშუალება: მიკრო-ავტობუსი
ხანგრძლივობა: 1 დღე (10 ივნისი / 2018)
ფეხით გასავლელი მანძილი:  3 კმ
ფიჭური კავშირი: ნაწილობრივ
კვება : შევწვავთ თევზს, კალმახს
მანძილი: 200 კმ.

ფასი: 20 ლარი

(ფასში შედის: ტრანსპორტის გადასახადი, გამყოლი გიდი, ფოტოგრაფი + გიტარა)

შეხვედრა M რუსთაველი – ველოსიპედის წინ, რედისონთან
კვირა, 10 ივნისი – დილის 07:30 საათი

საკონტაქტო:  555 163 111    ~    551  211 355 

თანხის ჩარიცხვა ხდება წინასწარ
გადმორიცხული თანხა 2 დღით ადრე უკან არ ბრუნდება

ჩვენი რეკვიზიტები:

ტურის აღწერა:

ანანური – კომპლექსი (ტაძარი და ციხე-ქალაქი _ XVI-XVII სს.) მდებარეობს დუშეთის რაიონში, ქ. დუშეთიდან 23 კმ-ში, მდინარე არაგვის ხეობაში, ჟინვალის წყალსაცავის ნაპირზე. ანანური იყო არაგვის ერისთავების რეზიდენცია (1743 წ-მდე), შედგებოდა: ზედა (XVII ს.) და ქვედა (XVIII ს.) ციხისაგან და მასში შემავალი საერო და საეკლესიო ნაგებობებისგან: ანანურის ციტადელის ხუთსართულიანი პირამიდული ტიპის კოშკი (XIV-XV სს.), ერთნავიანი ეკლესია `მკურნალი~ (XVI-XVII სს.), ღვთაების გუმბათოვანი ტაძარი (XVII ს. შუახანები) და მთავარი ტაძარი (1689 წელს ბარძიმ არაგვის ერისთავის ბრძანებით ააგო ქაიხოსო ბაღსარაშვილმა). მთავარი ტაძრის ფრესკული მხატვრობა ამჟამად საკმაოდ დაზიანებულია. კარ-ფანჯრებს გარს შემოუყვება ჩუქურთმიანი რელიეფური კომპოზიციები.

ფშავი — საქართველოს ისტორიულ-გეოგრაფიული მხარე. ისტორიულად იგი ხევსურეთთან ერთად ფხოვად იწოდებოდა. უძველეს წყაროებში სწორედ „ფხოვი“ გვხვდება, ფშავი და ხევსურეთი შედარებით გვიან დამკვიდრებული სახელწოდებებია.
ფშავი არაგვის ხეობაში მდებარეობს და დღევანდელ დუშეთის რაიონს მოიცავს. მისი ფართობი დაახლოებით 550 კმ²-ია. ფშავს ესაზღვრება: ჩრდილო-აღმოსავლეთით – კავკასიონის მთავარი ქედი, რომელიც მას ჰყოფს თუშეთისა და პირაქეთა ხევსურეთისაგან, დასავლეთით – პირაქეთა ხევსურეთი, გუდამაყარი, ხანდო და ჭართალი, სამხრეთით – შიდა ქართლი, აღმოსავლეთით – ერწო-თიანეთი. ფშავი ორად იყოფა: ფშავის არაგვის სათავიდან ორწყლამდე უკანა ფშავის თემია, ხოლო ორწყალს ქვემოთ, ფშავის არაგვის ქვემო წელში, მაღაროსკარის თემი. გეოგრაფიულად ფშავი მდებარეობს ქართლ-კახეთისსაზღვარზე და წარმოადგენს ამ ორი კუთხის მთიანეთს, მაგრამ ტერიტორიულ-ადმინისტრაციულად ფშავი წინათ კახეთის პროვინციაში შედიოდა, ხოლო თანამედროვე ადმინისტრაციულ-ტერიტორიული დაყოფით ფშავის მთელი ტერიტორია შედის მცხეთა-მთიანეთის მხარის დუშეთის რაიონში. სამხრეთი საზღვარი იწყება შარახევიდან და ორწყალ ფშავის ხევით (შუაფხო-უკანაფშავი) მიემართება აღმოსავლეთით და ეკვრის კავკასიონის მთავარ ქედს. ფშავის ზედაპირი სამხრეთით დაგეზებულია. იგი თუშეთ-ხევსურეთისაგან შედარებით უფრო დაბალია. მისი ჰიპსომეტრული სიმაღლე 1000-3000 მ-ია, ამიტომ ფშავის მიდამოს არ ამშვენებენ თეთრწვერად შევერცხლილი მყინვარები, თუმცა მისი ბუნება უფრო მრავალფეროვანია, ვიდრე ხევსურეთისა და თუშეთისა.

ჩინთის კოშკი – ჩინთი სოფელია მცხეთა-მთიანეთის მხარის დუშეთის მუნიციპალიტეტში. მდებარეობს მდინარე არაგვის მარცხენა მხარეს. ზღვის დონიდან 680 მ-ის სიმაღლეზე. ქალაქ დუშეთიდან დაშორებულია 17 კილომეტრით.

ჩინთში შემონახულია კოშკების კომპლექსი. ვაკეზე, კლდის მცირე მასივის ორივე მხარეს, თითო-თითო კოშკია აღმართული.
არაგვის მხარეს პირშექცეული, გეგმით სწორკუთხა კოშკი დანგრეულია.

მეორე კოშკი ხუთსართულიანია, ნაგებია ნატეხი ქვით გამოყვანილი სწორი ჰორიზონტალური რიგებით. შესასვლელი II სართულიდან აქვს. კოშკები XVIII საუკუნეზე ადრინდელ ხანას მიეკუთვნება. აქედან დაახლოებით 30 მეტრზე დგას მესამე, ხუთსართულიანი კოშკი. იგი უჩვეულო სახისაა. მისი ქვედა ნახევარი გარედან კუთხედებმომრგვალებულია, ზედა ნახევარი ოთხკუთხედია. შესასვლელი აქვს II სართულზე გარედან მისადგმელი კიბით. ნაშენია დამუშავებული რიყის ქვითა და ლოდებით, ურევია ნატეხი ქვაც. იგი XV-XVIII სს. მიეკუთვნება.

რა დაგვჭირდება?
მოსახერხებელი სპორტული ფეხსაცმელი;
წყალგაუმტარი ქურთუკი;
წყლისთვის განკუთვნილი მცირე ზომის ჭურჭელი
თბილი მოსაცმელი

გასათვალისწინებელი პირობები:

არ მოვდივართ შეკრების ადგილზე ნასვამ მდგომარეობაში
არ ვუხვევთ დაგეგმილ მარშრუტს საკუთარი ნება-სურვილით!
არ ვიღებთ ალკოჰოლს სიარულისას
საკვებს მივირთმევთ ყველა ერთად (თუ ვინმე შეუძლოდ არ გახდა)
არ ვყრით ნაგავს!!!
არ ვყოფთ ჯგუფს “კუტოკებად” !
ყველა ერთად ვქმნით მეგობრულ, თბილ იდილიას გუნდში და ვქმოქმედებთ გუნდურად!

ორგანიზატორი იხსნის ყველანაირ პასუხისმგებლობას მოლაშქრის წინაშე!

ტ  უ  რ  ი  ს  ტ  უ  ლ  ი      კ  ო  მ  პ  ა  ნ  ი  ა
W A L K E R / ვოლქერი
ოფისი:  +995 551  211355
ოფისი:  +995 555 163111

Facebook:     http://fb.com/Travel.Agency.WALKER
ელ-ფოსტა:   georgianwalkers@gmail.com
სკაიპი: georgian.walkers
ვებ-გვერდი:  www.walker.ge