ტურისტული კომპანია “WALKER/ვოლქერი” გთავაზობთ ტურს უცხო კახეთში

14 ივლისს ტურისტული კომპანია “WALKER/ვოლქერი”
გთავაზობთ ტურს კახეთის მიმართულებით.

მარშრუტი :
➡კვეტერა   ➡მატანის ცხრაკარას მონასტერი  ➡მატანის ციხე
➡მატანის წმინდა ნიკოლოზის ეკლესია
➡ახმეტის ჯვარპატიოსნის ეკლესია

სახეობა : კულტურული
საშუალო სირთულე: მარტივი
სატრანსპორტო საშუალება: მინი-ავტობუსი
ხანგრძლივობა: 1 დღე (14 ივლისი 2019)
ფეხით გასავლელი მანძილი: 8 კმ
ფიჭური კავშირი: ნაწილობრივ
მანძილი: 250 კმ.

ფასი: 25 ლარი
(ფასში შედის: ტრანსპორტის გადასახადი, ფოტოგრაფი, გამყოლი  გიდი)

შეხვედრის დრო და ადგილი:
M რუსთაველი – ველოსიპედის წინ, რედისონთან
კვირა, 14 ივლისი – დილის 07:30 საათი

საკონტაქტო: +995  551  211 355

თანხის ჩარიცხვა ხდება წინასწარ
გაითვალისწინეთ, რომ გადმორიცხული თანხა 2 დღით ადრე უკან არ ბრუნდება

ჩვენი რეკვიზიტები:

დასათვალიერებელი ადგილები

კვეტერა, კვეტარი, კუეტერი — ისტორიული ციხე-ქალაქი კახეთში, ახმეტის მუნიციპალიტეტში. მდინარე ილტოს მარჯვენა ნაპირზე, ახმეტა-თიანეთის დამაკავშირებელი მაგისტრალის მარცხენა მხარეს. ახმეტიდან 12 კმ-ზე.

ციხე-ქალაქის კომპლექსის შემადგენლობაში შედის: შიდა ციხე, ქვედა ციხე, გალავანი, სასახლე, დარბაზული ეკლესია და მთავარი ღირსშესანიშნაობა გუმბათოვანი ეკლესია.

წყაროებში პირველად კვირიკე III-ის მეფობის (1010-1037) დროიდან, XI საუკუნის I ნახევრიდან იხსენიება, თუმცა ვახუშტი ბატონიშვილის მიხედვით, ჯერ კიდევ VIII საუკუნეში უნდა არსებულიყო. იყო კახეთის სამთავროს (შემდეგ სამეფოს) ერთ-ერთი ცენტრი. საქალაქო ცხოვრების კვალი XIII საუკუნიდან ისპობა და შემდეგ წყაროებში იგი აღარ იხსენიება.

1968 წელს კვეტერაში არქეოლოგიური გათხრები ჩატარდა. გათხრებმა გამოავლინა დარბაზული ეკლესიის ნაშთი, ასევე დიდი რაოდენობით აღმოაჩინეს შუა საუკუნეების ჭურჭელი და სხვა, რომელიც ინახება დუშეთის არქეოლოგიურ ბაზაში.

2007 წლის 24 ოქტომბრიდან კვეტერის ციხე-ქალაქი შეტანილია იუნესკოს მსოფლიო მემკვიდრეობის საცდელ სიაში.

კვეტერის ციხე-ქალაქი კახეთის სამთავროს ერთ-ერთი ცენტრი იყო. მის დაწინაურებას დიდად შეუწყო ხელი ხელსაყრელმა გეოგრაფიულმა მდებარეობამ. წყაროებში პირველად XI საუკუნიდან იხსენიება, თუმცა ვახუშტი ბატონიშვილის მიხედვით, ჯერ კიდევ VIII საუკუნეში უნდა არსებულიყო. ჩატარებული არქეოლოგიური კვლევა-ძიება ადასტურებს ამ ვერსიას.

კახთა მეფე კვირიკე III-მ (1010-1037 წლები) კახეთ-ჰერეთის ტერიტორია შვიდ საერისთავოდ დაჰყო. მათ შორის ერთ-ერთი მნიშვნელოვანი იყო კვეტერის საერისთავო. კვეტერის სიძლიერესა და მნიშვნელობაზე მიუთითებს შემდეგი ფაქტიც: ბაგრატ IV-მ (1027-1072 წლები), რომელმაც 1040-1043 წლებში მთელი კახეთ-ჰერეთი დაიმორჩილა კვეტერის აღება ვერ შეძლო.

საქალაქო ცხოვრების კვალი კვეტერაში XIII საუკუნიდან ისპობა და გვიანდელი ხანის საისტორიო წყაროებში იგი აღარ იხსენიება.

მატნის ცხრაკარას მონასტერი – V ს. 
ახმეტის მუნიციპალიტეტის სოფელ მატნის დასავლეთით 3-4 კმ-ზე, მთებში.მონასტერი შედგება ერთმანეთზე მიდგმული რამდენიმე ეკლესიისა და სხვადასხვა ნაგებობებისაგან, რომლებსაც გარს არტყავს გალავანი.მონასტრის მთავარი შენობა V–VI სს. სამნავიანი ბაზილიკაა. VII –IX სს. მას მიაშენეს სამხრეთიდან და ჩრდილოეთიდან დარბაზული ეკლესიები, დასავლეთის მხარეს კარიბჭე. სამრეკლო – XVII ს. ცალკე მდგომი ეკლესია – XIV ს. ფერწერის ფრაგმენტები – XIV ს.

მატნის ციხე – ჩოლოყაშვილების ციხე-ნასახლარი. აუგიათ კახეთის თავადებს, ჩოლოყაშვილებს XVIII ს. ციხე კომპლექსური ნაგებობაა და მოიცავს თავად ციხესიმაგრეს, სხვადასხვა დანიშნულების ორ ნაგებობას, სასახლეს, ეკლესიას და კოშკებს. ციხის შუა ნაწილში დგას ღვთისმშობლის ეკლესია.

მატნის წმინდა ნიკოლოზის ეკლესია – XVI ს. გუმბათოვანი ტაძარი. ნაშენია რიყის ქვითა და ნატეხი ქვით. გუმბათის ყელი და მისი პირამიდული გადახურვა აგურისაა. ეკლესიას სამი შესასვლელი აქვს სამხრეთიდან, დასავლეთიდან და ჩრდილოეთიდან.

ახმეტის ჯვარპატიოსნის ეკლესია და ჩოლოყაშვილების ციხე-დარბაზი:
კომპლექსი სამშენებლო წარწერის მიხედვით აგებულია 1756 წელს გრიგოლ ჩოლოყაშვილის მიერ. დარბაზში სამი საფლავია, ერთ-ერთში დაკრძალულია ერეკლე II-ის შვილიშვილი ლუარსაბ ჩოლოყაშვილი.
თქმულების მიხედვით, თამარ მეფეს ძალზე მოსწონებია ნოყიერი ნიადაგით მდიდარი ეს კუთხე და უნატრია: ახ, ნეტავ, აქ ზვარი და ხეხილი გაშენდესო. მეფის სურვილი ასრულებულა, დასახლებისთვის კი ახმეტა დაურქმევიათ.

გასათვალისწინებელი პირობები:

არ მოვდივართ შეკრების ადგილზე ნასვამ მდგომარეობაში
არ ვუხვევთ დაგეგმილ მარშრუტს საკუთარი ნება-სურვილით!
არ ვიღებთ ალკოჰოლს სიარულისას
საკვებს მივირთმევთ ყველა ერთად (გარდა იმ შემთხვევისა, თუ ვინმე შეუძლოდ გახდა)
არ ვყრით ნაგავს!!!
არ ვყოფთ ჯგუფს “კუტოკებად” !
ყველა ერთად ვქმნით მეგობრულ, თბილ იდილიას გუნდში და ვქმოქმედებთ გუნდურად!

მოცემული პირობების შეუსრულებლობის შემთხვევაში ორგანიზატორი იხსნის ყველანაირ პასუხისმგებლობას მოლაშქრის წინაშე!

კომპანია WALKER წარმატებულ და სასიამოვნო ტურს გისურვებთ!

ტ უ რ ი ს ტ უ ლ ი    კ ო მ პ ა ნ ი ა
W A L K E R / ვოლქერი