ლას ვეგასი მსოფლიო გართობის ცენტრია და სათამაშო ქსელების სიჭარბის გამო მას ცოდვების ქალაქს უწოდებენ.ამ უდაბნოს ოაზისში თვალს მოგჭრით კაზინოებისა და მდიდრული სასტუმროების ნეონების ნათება. ქალაქმა განვითარება 40-იანი წლებიდან დაიწყო და მისი პროგრესი არ შეჩერებულა.ქალაქის დაარსება ნიუორკელ განგსტერს ბიქსი სიგელს მოუვიდა აზრად და თავის თანამოაზრეებთან ერთად დაიწყო ფიქრი ყველაზე აზარტული ქალაქის მშენებლობაზე. მან თავისი იდეა ბრწყინვალედ შეასრულა და რეისათვის ლას ვეგასი მსოფლიოს ერთერთი საუკეთესო ტურისტული ცენტრია, ხოლო სათამაშო ქსელების მხრივ ლიდერობას ვერც ერთი ქალაქი შეედრება.
ბაქსი სიგელის იდეაში გასაკვირი არაფერია, რომ არა ერთი გარემოება.როდესაც ის 40-იან წლებში იმ ადგილზე იმყოფებოდა სადაც ქალაქის აშენება გადაწყვიტა, მაშინ იქ უდაბნოს შუაგული გახლდათ.
ვეგასმა ათწლეულების განმავლობაში შეინარჩუნა ბრწყინვალე და რისკიანი სტილი. ურთიერთობების მხრივ ყველაფერი დაშვებულია, რაც კიდევ ერთი ფაქტორია ამ ქალაქის “ცოდვების ქალაქად” მონათვლისა.ამ ქალაქში აკრძალვები სძულთ და სრული თავისუფლებაა.
ლას ვეგასი ქალაქი სადაც ყოველწლიურად მილიონობით ადამიანი პოულობს ან და უფრო მეტი კარგავს თავის თავს.
ლას ვეგასის მთავარი მუზეუმები და ისტორიული ძეგლები არიან წარმოდგენილნი იმ საოცარი ოტელების სახით, რომლებიც ასახავენ მსოფლიოს სხვადასხვა ქალაქსა და საოცრებას.
უნდა აღინიშნოს, რომ ვეგასში ძალიან პოპულარულია ჩქარი ქორწინება ვისაც არ სურს დიდი ხნის ლოდინი და ნიშნობაში თვეების გატარება, მიდის და ვეგასში აწერს ხელს. თანაც ყველაფერი ლეგალურადაა, მერე თუ სურვილი ექნება წყვილს, გაყრაც შეიძლება ნევადის კანონებით, რაც ასევე სწრაფად ხდება.
