ლომისი

ტურისტული კომპანია “Walker”
გთავაზობთ ტურს მლეთაში

მარშრუტი :
ჟინვალის წყალსაცავი, ლომისის წმ. გიორგის ეკლესია, ლომისის პატარა ეკლესია ლომისას მთაზე.

სახეობა: მოსალოცი, სათავგადასავლო.
საშუალო სირთულე: რთული
სატრანსპორტო საშუალება: მიკრო-ავტობუსი
ხანგრძლივობა: 1 დღე (გასვლა შეთანხმებით)
ფეხით გასავლელი მანძილი: 15 კმ
ფიჭური კავშირი: ყველგან
კვება : არ შედის
მანძილი: 210 კმ.

ფასი: 20 ლარი
(ფასში შედის: ტრანსპორტის გადასახადი, ფოტოგრაფი)

შეხვედრის დრო და ადგილი: სადგურის მოედანი

თანხის ჩარიცხვა ხდება წინასწარ

ჩვენი რეკვიზიტები:

საკონტაქტო: +995 551 897 555
                          +995 551  211 355

(დაწვრილებითი ინფორმაციისთვის დააჭირეთ )

ტურის აღწერა:
თბილისიდან გავემართებით მთიულეთის მიმართულებით. გზად ვნახავთ ჟინვალის წყალსაცავს და მთიულეთის ბუნების ხედებს. მოვილოცავთ ლომისის ქვედა ეკლესიას და დავიწყებთ ლაშქრობას ლომისას მთისკენ (ბოლო მთაზე შესაძლებელია მოგვიწიოს თოვლიან გზაზე სიარული). მოვილოცავთ ლომისის წმინდა გიორგის სახელობის ეკლესიას, ვნახავთ მითიურ ჯაჭვს და მოვისმენთ ლეგენდებს ლომისის შესახებ. საღამოს გავჩერდებით ფასანაურში და მივირთმევთ უგემრიელეს ხინკალს და დავბრუნდებით თბილისში.

რისკები, საფრთხეები:

▼ მზისგან დამწვრობა▼
▼ დაღლილობა, რთული ლაშქრობის გამო ▼
▼ სასმელი წყალი რთული მოსაპოვებელია ▼

საჭირო აღჭურვილობა, რჩევები:

» კომფორტული (სპორტული) ტანსაცმელი »
» მოხერხებული ფეხსაცმელი (ბოტასი) »
» ერთი ბოთლი გაყინული წყალი »
»  წყლის ჭურჭელი »
»  ერთი დღის საკვები (დილის ლანჩისთვის) »
»  გამოსაცვლელი ფეხსაცმელი და წინდები »
»  მზისგან დამცავი სათვალე და კრემი »

ლომისის წმინდა გიორგი – XIII ს-ში. ხვარაზმელები „აღაოხრებდეს საქართველოსა, არბევდეს და ტყვე-ჰყოფდეს და სრულად ხოცდეს და არავინ იყო  მათი. გაგრძე-და ესევითარი ჭირი და ზეგარდამომავალი რისხვა ხუთისა წლისა ჟამთა“.მტერმა ტყვეები წაასხა, მათ შორის არაგვის ხეობიდანაც, მათ გზოვანის წმინდა გიორგის ხატი – წაუღიათ. გადმოცემით, ამ ძლიერ ხატს ხვარაზმელთა მხარე „შეუკრავს“  და ამავე ხატის შეწევნით დაუხსნიათ თავი  არაგველებს ტყვეობისაგან-ამბობს ლეგენდა. ტყვეებს ლომა ხარი მოუძღვებოდა წინ საქართველოსაკენ, რომლის რქებზეც დაბრძანებული იყო წმინდა გიორგის ხატი… „ღმერთო, გაუმარჯვე დიდ ლომისას წმინდა გიორგის, ხორეშანით მობრძანებულს, შვიდი ათასი ტყვის მხსნელს, ქსნისა და არაგვის თავდამყუდებელს“, – ილოცებიან მთიულნი. ამ თქმულებას იმეორებს გურიის სოფელ ძიმითის წმინდა გიორგის ხატის კუბოს წარწერა, სადაც ნათქვამია: ეჰა შენ, დიდო მხნეო მხედარო და ღვაწლით შემოსილო და ხვარასანთა ტყვეთა მხსნელო, სასწაულთმოქმედო ახოვანო და წმინდაო მოწამეო გიორგი“.

ტაძარში ინახება საყელურიანი დიდი რკინის ჯაჭვი. ვისაც აღთქმა აქვს დადებული ან აღთქმის დადება უნდა, ანდა რაიმეს ევედრება წმინდანს, ამ ჯაჭვს კისერზე იდებს და ტაძარს სამგზის შემოუვლის ლოცვით.

„ლომისას ჯაჭვი ჰკიდია, არავინ იცის ვისია;
მოვიდა, ქალმა შესტირა: ეგ ჯაჭვი ჩემი ძმისია,
ლაშქრიდან გამოტანილი, შავგრემანაის ყმისია.
დეეხსენ, ჟანგმა შეჭამოს, ლომისას საკადრისია“.

დღესასწაულის შესახებ:

ლომისობა მოძრავი დღესასწაულია. აღინიშნება აღდგომიდან მე-7 კვირას არაგვისა და ქსნის ხეობაში. მისი სახელობის სალოცავებიდან ერთი ქსნისა და არაგვის წყალგამყოფ ქედზეა, ხოლო მეორე – სოფელ მლეთაში. ამ დღეს მლეთაში მლოცველები იკრიბებიან. ტრადიციის თანახმად, “დეკანოზები” (იგივე ხევისბერები) გამოასვენებდნენ დროშას და “ფერხისას,” სიმღერით აიტანდნენ მთაზე, სადაც იმართებოდა დღეობა შესაწირავით.

ჟინვალის წყალსაცავი — წყალსაცავი აღმოსავლეთ საქართველოში, დუშეთის მუნიციპალიტეტში, დაბა ჟინვალის ჩრდილოეთით. მდებარეობს მდინარე არაგვის შუა წელში. მოქცეულია ალევის, გუდამაყრისა და ქართლის ქედებს შორის. ფართობი 11.5 კმ². წყლის მოცულობა 520 მლნ. მ³, სასარგებლო მოცულობა 370 მლნ. მ³. შეიქმნა ჟინვალის ჰიდროელექტროსადგურის მშენებლობასთან დაკავშირებით მდინარე არაგვის ხეობაში. ჰესის პირველი აგრეგატი ამუშავდა 1985 წელს. საქართველოს წყალსაცავებიდან იგი ყველაზე ახალგაზრდაა. მას დიდი მნიშვნელობა აქვს ქალაქ თბილისის წყლით მომარაგების საკითხში.

    ლეგენდის თანახმად, ლომისა გზოვანის წმინდა გიორგია, რომელსაც ხორასნიდან 7 ათასი ტყვე დაუხსნია და ხარის რქებზე დაბრძანებული დამკვიდრებულა მლეთის მთაზე. მას ევედრებოდნენ შვილიერებას, თვალის სინათლეს, მიწისა და საქონლის ნაყოფიერებას. ლომისას სახით თაყვანს სცემდნენ საწინამძღვრო ჯვარს.
მისი კულტის ამსახველი ლეგენდებისა და რიტუალების თანახმად, ლომისა მეომარია, ალისფერ ცხენზე ზის და ხელში მათრახი უჭირავს, რომლის დაკვრითაც ბოროტს ცეცხლი ედება და იწვის.

ტ უ რ ი ს ტ უ ლ ი    კ ო მ პ ა ნ ი ა
W a l k e r / ვოლქერი